MAT HAAR AE-INSAAN

Related Articles

Hon. CM Devendra Fadnavis Launches Abhijat Marathi OTT – A Free App to Promote Marathi Language Content

5 hours ago

Actor, Singer, and MP Manoj Tiwari to Play the Role of Lord Parshuram in world-famous Lav Kush Ramleela

3 weeks ago

A day out in Delhi with Param & his Sundari!

August 23, 2025

Jarre-jarre se milkar banti hai, koi vastu adhik mulyawaan,
Gar hil jaaye neev kahi se, to dagmaga jaata hai poora makaan,
Mat aane de aanch apni neev par, poori kar apni udaan,
Mat haar ae- insaan tu mat haar ae- insaan.

Kismat bhi legi tera, kai tareeko se imtihaan,
Karmo se hi banani hogi, tujhe teri nayi pehchaan,
Kiya hai jo bhi gyan arjit, kar uska bhi daan,
Mat haar ae- insaan tu mat haar ae- insaan.

Ho chuka hai ab, maidaan-e-jung ka elaan,
Chalte rehna hai tujhe, bina kahi liye vishraam,
Karta rah tu kaam esa, rahe sada tere nishaan,
Mat haar ae- insaan tu mat haar ae- insaan.

Haar kar jo waapas jut jaaye, wahi chhuta hai aasmaan,
Uthkar gire, gir kar uth jaaye, wahi hai sabse bada kaptaan,
Jeet par apni mat karna,tu kabhi bhi adhik abhimaan,
Mat haar ae- insaan tu mat haar ae- insaan.

Jeet le apni achhai se tu, ye saara jahaan,
Siddh ho manavta ke liye tu, ek esa paripoorna wardaan,
Nirantar karta rah tu, is sansaar ka nav nirmaan,
Mat haar ae- insaan tu mat haar ae- insaan.

Comments